Ég er frekar óspennandi tröll..... :)

Fræðatröll

Þú ert vanafastur, tilfinningaríkur innipúki.
Fræðatröllið er forvitið að eðlisfari og er köllun þess í lífinu að komast að sannleikanum. Fræðatröll má gjarnan finna í dimmum skúmaskotum bókasafna þar sem þau rykfalla og sussa á aðra gesti safnsins. Fræðatröllið klæðist gjarnan flaueli - nema þegar það er í tísku. Hringitónninn í síma þess er stefið úr þættinum Nýjasta tækni og vísindi, sem það grætur stöðugt að sé ekki lengur á dagskrá.

http://www.stilbrot.com/trollafell/konnun/">Hvaða

 

Hnífsdalsferðin mikla....

Mér líður eins og eftir Verslunarmannahelgarnar þegar ég var gelgja!!!!!! Mikil keyrsla, lítið sofið, ölið sopið, dansinn dunar og líkaminn þreyttur eftir allt saman...... Ég er líklega að verða of gömul fyrir svona vitleysu en mikið helv... var gaman

Ég var á kennaraþingi á Hvammstanga á föstudeginum og fór á barinn á meðan ég beið eftir Sigga og stelpunum. Þar hitti ég nágranna minn úr bænum sem er flutt norður og farin að kenna á Skagaströnd. Við gátum spjallað heilmikið og var virkilega gaman að hitta hana eftir allan þennan tíma. Siggi kom svo um kvöldmatinn og við fórum og borðuðum í Staðarskála. Þaðan var haldið um átta leytið og komið á Hnífsdal um miðnætti. Það þýðir það að Siggi keyrði eins og brjálaður "mother fokker"!!!!! VÆGAST SAGT!!!! Það var brjálað rok (stormviðvörun á svæðinu enda sást varla bíll nema okkar...) grenjandi rigning, myrkur og slatti af malarvegum. Hann keyrði á 100 á malbikinu en fór niður í 90 á mölinni. Þetta hefði kannski verið í lagi í birtu en í þessum akstursskilyrðum var þetta náttúrlega bara fáránlegt. Ég sat stjörf og samankreppt í framsætinu og langaði mest til að drekka mig fulla svo ég yrði nógu kærulaus yfir þessu en það var eiginlega ekki gáfulegt þar sem það er ekkert klósett frá Hólmavík á Ísafjörð. Þegar maður er búinn að fá sér bjór þarf maður að pissa oftar og ég sá fram á að þurfa að stinga berum botninum út í næsta kjarr og vökva hann þar í rigningunni ef ég fengi mér einn kaldan. Það var því ekki annað að gera en blaðra nógu mikið til að reyna að hugsa um eitthvað annað. Nú nú þegar á staðinn kom henti ég Ölmu í háttinn enda komið miðnætti og svo opnuðum við Dóra rauðvínsflösku og kjöftuðum fram eftir nóttu. Á laugardeginum var kjaftað, slappað af, farið í seightseeing á Bolungavík og Ísafjörð, eldaður góður matur og um kvöldið fórum við á Edinborg sem er skemmtistaður á Ísafirði. Þegar við komum þangað var mikið af fólki á milli 50 - 60 svo okkur leyst ekki alveg á blikuna en það voru að klárast einhverjir leiðinlegir tónleikar og "gamla" fólkið dreif sig heim í háttinn en það unga fór að mæta á svæðið. Við Dóra dönsuðum eins og við mögulega gátum og fengum t.d. algert flipp þegar gaurinn spilaði eitt af uppáhalds danslögunum okkar. Það er lagið Allt fyrir ástina með Páli Óskari. Við flippuðum alveg!!!! Siggi hitti nokkra gamla vinnufélaga og sat og spjallaði auk þess að passa töskurnar okkar Dóru. Á sunnudeginum ákváðum við að leggja af stað um hádegi til að hafa nógan tíma á bakaleiðinni. Við stoppuðum á nokkrum stöðum til að njóta náttúrufegurðarinnar og þegar við komum til Hólmavíkur ákváðum við að skella okkur á Galdrasafnið. Það var alveg frábært. Alma hafði sérstaklega gaman af ósýnilega stráknum, nábrókunum og uppvakningnum sem kom upp úr gólfinu. Hún skemmti sér mjög vel en þegar við erum að ganga út og ég þakka manninum fyrir okkur segir hún: takk fyrir, þetta var ógeðslegt!!!!!! he he he he he Við hlógum bæði mikið, ég og safnvörðurinn....

Þegar við komum heim horfðum við á Dagvaktina, átum pizzu og reyndum svo að koma Ölmu niður. Það gekk illa því hún var alltaf að hugsa um drauga og gat ekki sofnað. Að lokum náði ég í dýnu og hún svaf á gólfinu inni hjá okkur!!!! he he he greyið litla.

Snjór í Tindastóli

Ég horfi út um gluggann í vinnunni á Tindastól og þar efst má greinilega sjá einhverju hvítu, blautu og köldu bregða fyrir þegar skýin fara frá. Mér finnst þetta nú full snemmt til að snjóa í fjöll en það er auðvitað kominn sá árstími að maður getur átt von á þessu. Það er svo sem ekki eins og það sé eitthvað óvenjulegt en það er bara búið að vera svo gott haust með hita frá 13 gráðum upp í 19 gráður. Maður fékk því nett kast í morgun þegar hitamælirinn sýndi ekki nema 5 gráður kl. 8 í morgun!!!!!! Úfff þetta er að bresta á. Haustið sýndi sig líka í Sjónhorninu sem er sjónvarpsdagskrárblaðið hérna í sveitinni. Þar eru einnig auglýstir allir helstu mannfagnaðir, námskeið og sala á hrossum ásamt fleiru skemmtilegu. Á forsíðunni í dag mátti sjá 3 skinnfletta hrútspunga ásamt fleiru sem notast við sláturgerð og undirbúning þorrablóta. Það segja mér fróðir að  nú sé tíminn til að setja pungana í súrt ef þeir eiga að verða tilbúnir í febrúar. Ég segi  nú bara VERÐI ÞEIM AÐ GÓÐU!!! he he he

Vetrarrok í gærkvöldi

Mér leið í gærkvöldi eins og það væri komin vetur og það væri stórhríð úti. Í morgun upplifði Alma það sama því þegar hún skreið uppí í morgun sagði hún: mamma, það er alveg eins og það sé vetur úti!!!!!

Alma er annars alveg að verða læs. Ég bað kennarann hennar í dag að senda hana fljótlega heim með léttlestrarbók til að örva hana enn frekar. Hún getur lesið fullt af orðum og er komin með flesta stafina á hreint. Hún er svo montin að það hálfa væri nóg. Ég er eiginlega ennþá montnari af litlu stelpunni minni.

Mér finnst hálf leiðinleg veðurspáin fyrir næstu daga og ég vona bara að maður þurfi ekki að fresta vesturferðinni vegna roks og rigningar. Þetta hlýtur að bjargast!!!

Komin aftur í körfuboltann og ætla vestur um helgina!!

Ég mætti á fyrstu körfuboltaæfingu vetrarins í gær og það gekk bara vel. Til að koma í veg fyrir allan misskilning þá er ég ekki að fara að æfa með meistaraflokki eða að taka þátt í Evrópumeistaramótinu en ég veit að þið bjuggust öll við því miðað við þann stórkostlega árangur sem ég hef náð síðustu árin á þessu sviði..... lol.... hrossahlátur......!!

Nei það væri synd að segja að ég brillaði sérstaklega í körfunni en það eru örugglega einhverjir til sem eru verri en ég.... (þeir eru að vísu ekki með mér á æfingum!!!!). Ég hef samt gaman af þessu og geri þetta fyrst og fremst til að fá tilbreytingu í hreyfingu og hitta skemmtilegar konur. Alma fékk að fylgjast með æfingunni og það gaf mér tækifæri til að útskýra fyrir henni mikilvægi hreyfingar og að maður þyrfti ekki að vera bestur til að hafa gaman af íþróttinni (hver sem hún væri). Hún er líka ansi óþolinmóð og vill alltaf vera best í öllu um leið svo ég notaði tækifærið og benti henni á að þó ég væri lélegust  þá væri það bara allt í lagi og ég gæti ekki orðið betri nema mæta og æfa mig. Hún ætlar að fara á fótboltaæfingar í vetur og það var gott veganesti fyrir hana að fá þennan fyrirlestur. Málið er að hafa gaman af þessu.

1. október byrjar Alma í söngskóla Alexöndru Chernycovu (held ég hafi skrifað þetta rétt en er ekki alveg viss ). Hún verður í hálftíma á viku í tónfræði, hálftíma í "einkakennslu" með einni annarri og það vill svo til að þær hafa þekkst í nokkur ár og eru góðar vinkonur svo það verður bara gaman. Auk þess verður hún í klukkutíma á viku á kóræfingum með stelpum 6 - 9 ára. Hún er mjög spennt enda hefur barnið sungið dag og nótt næstum frá fæðingu.

Ég er svo að fara á kennaraþing á Hvammstanga á föstudaginn. Siggi mætir svo þangað með Ölmu, Elínu og Guðrúnu. Við skellum okkur svo á Hnífsdal að heimsækja Dóru vinkonu og dúllurnar hennar. Það verður þröngt á þingi með 10 manns í lítilli íbúð en þröngt mega sáttir sitja!!!! Við munum auðvitað sötra smá rauðvín og skella okkur aðeins út á lífið ásamt því að skoða okkur aðeins um og sýna Elínu svæðið. Alma og Arna hlakka rosalega til að hittas og leika saman. Þetta verður náttúrlega bara STUÐ!!!!!

Ég skil ekki þetta virðingarleysi

Mér finnst með ólíkindum hvað virðingarleysið gagnvart lögreglunni hefur aukist en kannski tengist það aukinni drykkju og fíkniefnaneyslu. Þegar ég hugsa til baka þegar ég var unglingur þá finnst mér eins og flestir hafi sýnt lögreglunni ákveðna virðingu. Það hafa auðvitað alltaf verið svartir sauðir innan um en nú er eins og þeim fari fjölgandi. Annars held ég að virðingarleysi almennt í þjóðfélaginu sé að aukast. Maður heyrir gamla kennara tala um að þeir sjái mikinn mun og virðing fólks fyrir eigum annarra minnkar. Þetta er samfélagslegt mein sem bitnar á m.a. lögreglunni. Manni finnst skrýtið að fólk skuli leyfa sér að koma fram við annað fólk á þennan hátt. Mér finnst í rauninni ekki eðlismunur á lögreglunni eða fjölskyldunni. Myndi þetta sama fólk hrækja á foreldra sína, börn eða systkini????? Af hverju þá að hrækja á lögregluna? Það er líka fólk sem auk þess er bara að sinna vinnunni sinni. Mér finnst þetta algerlega óskiljanlegt hömluleysi að leyfa sér svona framkomu og maður veltir fyrir sér uppeldinu sem þetta fólk hefur fengið. Ég vona bara að það ali ekki eigin börn upp á sama hátt!!!!!!

„Ég skal drepa konuna þína!“

Stríðni í skólanum, part 2

Ég hef fengið nokkur viðbrögð við færslunni um stríðnina sem Alma varð fyrir með bleiku fötin sín og ég mátti til með að segja ykkur framhaldið. Eins og ég var búin að segja sagði hún kennaranum frá þessu og hún talaði strax við stelpurnar sem í hlut áttu. Ég talaði síðan við skólaliðana og starfsfólkið í heilsdagsskólanum svo allir yrðu meðvitaðir. Það gerði ég fyrst og fremst vegna þess að önnur stúlkan hefur lengi verið með leiðindi við Ölmu. Ekki viljað leika við  hana og barist við hana um athygli sameiginlegrar vinkonu þeirra. Alma hefur reynt að vera almennileg við þessa stúlku og vill leika við hana ef það þýðir að hún geti einnig leikið við þessa sameiginlegu vinkonu. Sambandið hefur samt verið stirt og Alma hefur leikið miklu minna við vinkonu sína út af þessu máli heldur en hún raunverulega vill. Til að gera langa sögu stutta þá sagði Alma mér að eftir að talað var við stelpurnar leika þær sér miklu meira saman (hún lék nær aldrei við aðra áður) og auk þess komu þær til hennar í frímínútum og sögðu henni að þeim fyndist leiðinlegt að þær hefðu verið að segja eitthvað svona við hana. Stelpuskottan mín er því alsæl þessa dagana. Þetta dæmi sannar bara best fyrir mér mikilvægi þess að við foreldrar tökum strax í taumana og látum vita ef það er eitthvað í gangi en leyfum því ekki að grassera í þeirri von að hlutirnir skáni. Látum strax vita í skólunum ef það er eitthvað að angra börnin okkar því þar vinnur fagfólk sem gerir sitt besta til að vernda börnin okkar.

Ég má til með að segja ykkur að daginn eftir að stelpurnar voru að setja út á bleiku fötin hennar Ölmu átti ég leið inn í heimilisfræðistofuna þar sem allar stelpurnar í bekknum voru. Ég gat ekki annað en brosað þegar ég tók eftir að ekki bara voru stríðnispúkarnir tveir í bleiku, heldur var hver einasta stelpa í bleiku!!!!!!!!!

Ég styð ljósmæður í baráttu sinni!!!

Ég styð ljósmæður en verð þó að viðurkenna að þær konur sem eru að eiga börnin sín núna eiga samúð mína alla. Það getur ekki verið þægilegt að eignast barn eða eiga von á  barni og þurfa að búa við þá óvissu sem þetta ástand veldur. Það getur heldur ekki verið þægilegt fyrir ljósmæður að þurfa að senda konur heim áður en þær eru tilbúnar til þess. Það langar engan að þurfa að grípa til svona aðgerða en þar sem kvennastéttir á Íslandi hafa alla tíð þurft að berjast fyrir hverri krónu þá er bara ekki annað í boði. ÁFRAM LJÓSMÆÐUR!!!!!!

Fæddi og fór strax heim til sín

Frábær hugmynd

Ég vildi óska að þeir reistu eitt á Íslandi. Væri alveg til í að skoða þetta fyrirbæri. Hugmyndin er frumleg en ég skil samt ekki alveg út af hverju fólki svimar. Kannski er það vegna þess að hugurinn er vanur því að sjá hlutina í ákveðnu samhengi og þegar því er raskað fer allt í vitleysu.

Hús á hvolfi veldur svima

House aftur á dagskrá

Ég datt í sjónvarpsgláp í gærkvöldi því vinur minn hann House er byrjaður aftur. Mikið er þessi maður óforskammaður en það er einnig það sem gerir hann svo ómótstæðilega fyndinn og skemmtilegan. Þó hann brjóti og beygi reglur þá hefur hann lag á að láta mann hafa samúð með honum. Snilldarþættir.