Skanna myndir á milljón!

Ég sit hér aftur við tölvuna og skanna myndir. Þarf að klára það áður en ég fer á fund klukkan 14 svo ég hef ekki mikinn tíma. Myndirnar voru teknar þegar við áttum 10 ára fermingarafmæli svo þær eru 15 ára gamlar. Það er svo gaman að sjá þessar gömlu myndir en ég verð að viðurkenna það mér til skammar að þó ég muni eftir öllum andlitunum þá man ég ekki nöfnin nema á kannski 60 - 70 % fólksins. Þetta er hálf skammarlegt, ég veit það en mér til vorkunnar þá var nú ekki eins og maður væri besti vinur alls þessa fjölda. Við vorum 5 bekkir og rúmlega 20 í hverjum bekk svo þetta hafa verið um 110 -115 manns. Það eru örugglega líka einhverjir sem eru búnir að gleyma hvað ég heiti  svo vonandi móðgast nú enginn.

Fermingarafmæli

Já vitiði bara hvað..... það er 25 ár síðan ég fermdist!!!!!!!!!! Shit... það er næstum eins og það hafi verið í gær. Ég var að kenna 8. bekk í vikunni og spurði þau um ferminguna þeirra. Flestir héldu fjölmennari fermingarveislur heldur en brúðkaupið mitt!!!! og allir fengu þvílíka formúgu fjár og gjafa að það var með ólíkindum. Ég er að spá í að fermast aftur, ja eða giftast aftur... hmmmm Siggi væri líklega ekki mjög ánægður með það... hehe he eða bara halda upp á fertugsafmælið á næsta ári !! he he  Mér finnst mjög gott framtak hjá nokkrum bekkjarfélögum að setja upp síðu þar sem hægt er að spjalla og skiptast á skoðunum. Nokkrir eru þegar farnir að tjá sig og aðrir eru líklega ekki ennþá búnir að frétta af síðunni og eru að komast í gang. Það er allavegana eitt sem víst er og það er að ég ætla að mæta þó ég þurfi að standa með tinkönnu í Kaupfélaginu og betla í mánuð til að eiga fyrir því. Ekki að ég búist við að þurfa þess en þið "get the point"!!!!

Bílstjórar að pirra vegfarendur

Mér finnst alveg frábært að loksins skuli finnast hópur fólks á Íslandi sem nennir að rísa upp af rassgatinu, hætta að röfla yfir eldhúsborðið og virkilega krefjast athygli yfirvalda á vanda sínum. Ég styð baráttu þeirra heilshugar því nái þeir árangri mun það ef til vill einnig gagnast okkur hinum. Ég skil ekki þegar fólk kvartar yfir því að aðgerðir þeirra bitni á öðrum. Skilur fólk ekki að mótmælaaðgerðir skila ansi litlum árangri ef þær bitna ekki á einhverjum? Mér finnst einmitt að bílstjórarnir hafi verið eins tillitssamir og hægt er miðað við aðstæður með því að tefja umferðina ekki of lengi á sama stað. Well það var svo sem ekki eins og ég lenti í því að sitja föst í umferð en það er kominn tími til að láta í sér heyra og ekki láta alltaf valta yfir sig án þess að mótmæla. Áfram bílstjórar!!!!

Vorið kemur vonandi einhverntímann

Ég er orðin ansi leið á kulda, snjó, hálku, kulda, vindi og meiri kulda! Eftir að ég missti fóðringuna er ég alltaf að drepast úr kulda og get bara ekki beðið eftir sumrinu. Það verður bara dásamlegt að þurfa ekki alltaf að vera dúðaður þegar maður fer út að ég tali nú ekki um að geta verið í sólbaði. Ástæðan fyrir því að ég er að pirra mig á þessu núna er að það er snjókoma úti!!!!! Arg.......  og svo sagði Siggi stormur í gær að það væru engin hlýindi í kortunum enn sem komið er. Ég ætla bara rétt að vona að þetta verði farið að skána þegar ég fer í Akureyrarhúsmæðraorlofið mitt með Ífunum. Þetta verður bara snilld. 3 nætur í sumarbústað rétt fyrir utan Akureyri, drukkið rauðvín í pottinum á kvöldin, farið í nudd og dekur, leikhús, söfn, út að borða og svo erum við með leyniatriði sem ég þori ekki að segja frá núna ef einhver þeirra skyldi óvart sjá þetta!!!!!! En það verður geggjað. Besta er að ég á einmitt afmæli daginn sem stílað er inn á að vera í dekri frá morgni til kvölds og ég hlakka mikið til. Allar húsmæður þyrftu að skreppa svona í burtu frá heimilisstörfunum og dekra við sig í góðra vina hópi að minnsta kosti einu sinni á ári.

Bankaupplýsingar mínar!!!

Datt svona í hug að næst þegar þeir væru með fullar ferðatöskur af peningum þá gætu þeir bara haft samband við mig og ég skal sjá um að geyma þær og koma peningunum í lóg.... he he he

Sviku út milljónir

Flott framtak

Þetta hljómar vel og mun vonandi reynast eins vel og lofað er. Mér finnst líka frábært að það eru Íslendingar sem hanna þessa  barnaleitarvél á netinu.

Þetta hljómar nú reyndar hálf perralega... það er eins og þeir séu að nota netið til að leita að börnum!!!!! Smá grín... fannst þetta hljóma hálf illa svona eftir á að hyggja...

Leitarvél fyrir börn

Nördapróf

 

<a href="http://www.nerdtests.com/nt2ref.html">
<img src="http://www.nerdtests.com/images/badge/nt2/852b548ae47b8e5d.png" alt="NerdTests.com says I&#39;m a Slightly Dorky Non-Nerd.  What are you?  Click here!">
</a>

Ég tók nördapróf þar sem kom í ljós að ég er ekki nörd en slightly dorky.... erfitt að þýða það almennilega. Mér gengur illa að koma myndinni inn en hérna eru niðurstöðurnar:

Vísindi og stærðfræði: 17 % nörd

Tækni og tölvur: 5 % nörd

Vísindaskáldskapur og teiknimyndasögur: 3 % nörd

Saga og bókmenntir: 67 % nörd...... er einhver hissa sem þekkir mig... he he he

Klaufalegur aulagangur: 68 % nörd.... hm.....er kannski ekki alveg sammála hérna en well.... sumar spurningarnar voru þannig að maður bara svaraði út í hött... líklega þessvegna sem ég fæ aulastimpilinn ...... he he he he

Et, drekk og ver gladr!!!!

Mikið rosalega erum við búin að hafa það gott í fríinu. Kalla og Jonni komu til okkar á skírdag og við fórum um kvöldið að hlusta á Pál Óskar og Monicu syngja og spila í kirkjunni. Í miðjum tónleikum var altarisganga og í stað oblátu og messuvíns var boðið upp á hálft rúnstykki og nokkur vínber!!! Frekar frumlegt verð ég að segja!!  Nú þegar við komum heim fengum við okkur osta og rauðvín og spjölluðum langt fram eftir nóttu. Ja spjölluðum og ekki því Kalla komst í spástuð og spáði fyrir Guðrúnu og tveimur vinkonum hennar þannig að þær sátu eftir með gæsahúð eftir "nornina".... he he he. Á föstudeginum var vaknað snemma og smurt nesti. Síðan var keyrt upp á skíðasvæði og flestir skellltu sér á skíði eða bretti. Jonni þurfti að fara á bretti því ekki fengust skíðaskór á hann í réttri stærð og við hin skemmtum okkur konunglega við að sjá fertugan manninn detta á 5 metra fresti niður brekkuna ..... he he he Hann stóð sig nú samt helv. vel miðað við aldur og fyrri störf. Alma prufaði að fara á skíði í fyrsta sinn og það gekk nokkuð vel. Guðrún hélt við hana og þá var gaman en í fyrstu ferðinni datt hún í lyftunni og það tók tíma að fá hana til að þora aftur. Eftir það var bara brjálað stuð. Þegar fór að líða á daginn voru svo margir að maður eyddi meiri tíma í lyftunni svo ég hætti að nenna að fara. Á leiðinni heim keyrðum við fram á Smára son hans Sigga þar sem hann var að græja sig á vélsleðann og allir fengu að prufa við mikinn fögnuð. Adrenalínið í stelpunum dugði lengi fram eftir degi... he he!!! Næst var síðan farið í hesthúsið og þá fengu þeir sem vildu að skreppa á bak. Sumir innan gerðis en aðrir utan þess! Pabbi mætti seinnipartinn. Allir fóru þreyttir að sofa og sofnuðu snemma þetta kvöld. Á laugardeginum var ýmislegt brasað en meiri rólegheit samt. Um kvöldið skellti fullorðna fólkið sér svo á ball með Geirmundi og dansaði frá sér allt vit. Hrikalega gaman verð ég að segja. Í dag var svo hádegismatur svo og borðuð páskaegg. Öllum er hálf bumbult og liggja afvelta fyrir framan sjónvarpið og slaka á eftir að gestirnir eru farnir og allir magar fullir af mat og súkkulaði!!!! . Það verður kál og skokk á morgun, svo mikið er víst!!! Gleðilega páska annars allir vinir og ættingjar.

Et, drekk og ver glaðr!!!!!

Páskafrí

Það er gott að vera í páskafríi. Ég er búin að vera "assgoti" dugleg í fríinu. Tók gestaherbergið í gegn. Er búin að mála og setja allt inn aftur og gera fínt. Nú geta Kalla og Jonni farið að koma í fína gestaherbergið og látið sér líða vel. Von er á þeim í kvöld á meðan fjölskyldan fer í Sauðárkrókskirkju á tónleika með Páli Óskari og Monicu. Ég get ekki beðið. Mér finnst Páll Óskar svo frábær og svo er alltaf gaman að taka þátt í menningarviðburðum eins og þessum. Við ætlum að vera mætt snemma til að fá góð sæti. Svo er planið að fara upp á skíðasvæði og á Geirmundarball á laugardaginn, borða páskaegg og góðan mat, drekka rauðvín og borða osta. Þetta verða frábærir páskar!!! Pabbi ætlar meira að segja að skella sér norður frá föstudegi til sunnudags svo það verður tómlegt hér seinnipartinn á sunnudaginn þegar allir gestirnir fara. Reyndar er Guðrún komin norður en  hún er í íbúðinni hjá tengdó og kannski kemur líka önnur systir hennar sem heitir Brynja og John maður hennar. Það gæti því orðið fjölmennt í mat hér á sunnudaginn . Nú er hinsvegar mál að fara að þrífa svo húsið verði boðlegt öllum þessum gestum. Gleðilega páska ef ég nenni ekki að skrifa meira fyrir páska.

Risaeðla til sölu

Já þetta er einmitt eitt af því sem ég hef alltaf þráð að eiga. Er að spá í að að skella mér á eina. Get kannski látið hausinn gapa út um stofugluggann

Risaeðla til sölu