Helvítis fokking þokudrusla.......

Mikið hata ég þoku.... !!!! Ég man eftir að það hafi verið þoka tvisvar sinnum í Keflavík öll mín uppvaxtarár en hérna fyrir norðan kemur þetta helvíti reglulega og eyðileggur annars ágæta sólardaga....arg.... garg...óp og öskur!!!!!!!!!!! Maður horfði í gær út um gluggana á sólina og það passaði... hálftíma eftir að ég var búin að vinna var komin þoka !!!!! Ótrúlegur andskoti . Svo þegar maður vaknaði í morgun, spenntur eftir 12 - 15 stiga hitanum sem var búið að spá, sá maður bara helv. þokuna og það var 3 stiga hiti.... . Er nokkuð skrýtið þó maður þoli þetta fyrirbæri ekki?

Samræmt próf í samfélagsfræði á mánudaginn og nokkrar skammir!

Þá er alveg að koma að því að nemendur mínir taki samræmt próf í samfélagsfræði. Ég vona bara að þeim gangi vel. Ég var með aukatíma áðan og sat með nokkrum gaurum og fór yfir helstu atriði í söguhlutanum. Maður er alltaf aðeins stressaður með krakkagreyjunum þegar samræmdu prófin nálgast en það er að minnsta kosti gott að veðrið er ekki búið að vera neitt ferlega spennandi. Ég man ennþá þegar við Sigurbjörg lágum á stéttinni undir þvottasnúrunum heima hjá henni að læra undir stærðfræðiprófið í glampandi sól og góðu veðri. Hún bjargaði því sem bjargað varð hjá mér því ég var með svo mikla unglingaveiki í 9. bekk (núna 10. bekk) að ég hafði nú ekki lært mikið þann veturinn!!!!!! Í gær fór Alma á sundnámskeið með pabba sínum og var í því að monta sig. Hún sleppti  handkútunum í fyrsta sinn og var bara með mittiskút. Eftir hádegi fórum við niður í reiðhöll þar sem krakkarnir í hestamannafélögunum í Skagafirði voru að fagna lokum vetrarstarfsins. Þeir verða svo með sýningu í reiðhöllinni á laugardaginn og þá ætlum við að fara til að horfa á þau. Við fórum einnig í gær í félagsheimilið Ljósheima þar sem verkalýðsfélögin voru með ókeypis kaffiveitingar, ræðu og skemmtiatriði. Þegar leikatriðin og tónlistaratriðin byrjuðu fór Alma með vinkonu sinn og tveimur öðrum krökkum og settist fyrir framan sviðið. Þegar tvær stelpur spiluðu á fiðlu stóð mín dama upp og stakk puttum í eyrum og hélt höndunum út frá hausnum!!!!!! Ég skammaðist mín nett.........  og það var ekki til að bæta  það að ég þekkti  báðar stelpurnar því önnur er nágranni okkar og hin er dóttir samstarfskonu minnar.... frekar pínlegt!!! Alma fékk kurteisisfyrirlesturinn þegar út í bíl var komið..  he he he Þegar við komum heim fórum við aðeins út í garð og þá tók ég eftir því að hún dóttir mín hafði fundið svartan áberandi (permanent marker) tússpenna úti og ákvað að búa til listaverka á húsvegginn bakvið hús.......  Ég varð þokkalega brjáluð og þá kom annar fyrirlestur... he he he

Well er að fara á eftir í "sjæningu", ætla svo út að borða með liðið á Ólafshús í pizzu og svo á ball með Geirmundi.

Geiri gæi á föstudaginn

Þá er komið að því.... Geirmundur kallinn heldur upp á 50 ára tónlistarafmæli sitt næsta föstudag í íþróttahúsinu á Sauðárkróki og auðvitað mætum við Siggi á það. Tengdó ætla víst að bjóða okkur því þau eru að syngja með Rökkurkórnum og hann tekur líka lagið. Karlakórinn Heimir, Magni og einhverjir fleiri verða þarna líka og allir syngja lög Geirmundar. Á eftir skemmtuninni verður síðan ball og væntanlega dansað fram eftir nóttu. Ég fer í klippingu og strípur sama dag svo maður verður líklega ægilega flottur. Ég var búin að bíða eftir að komast í klippingu og það er auðvitað bara snilld að panta tíma sama dag og maður fer á ball. Á morgun er svo frídagur og þá ætlum við að gera eitthvað skemmtilegt saman. Ég reikna með að fara í Reiðhöllina því þar eru krakkar að sýna listir sínar og reiðhjálmar verða gefnir. Ég vonast til að fá hjálm fyrir Ölmu. Svo er kaffi í Ljósheimum í boði verkalýðsfélaganna og einhver skemmtiatriði í boði og við vorum að spá í að kíkja þangað. Bið annars að heilsa og gleðilegan 1. maí.

Ný vinna

Ég sótti um spennandi vinnu fyrir páska og fékk að vita um daginn að ég fengi hana. Þetta er ekki full vinna svo ég mun sinna þessu í sumar og sem aukavinnu framan af næsta vetri. Ég vil ekki segja of mikið ennþá því þegar ég fer suður í 25 ára fermingarafmælið mun ég skrifa undir ráðningarsamning vegna þessa verkefnis. Það sem ég get sagt ykkur er að mig hefur dreymt um að gera þetta lengi og þetta tengist því sem ég gerði í lokaritgerðinni minni í Kennó ef einhver fattar. Ég fæ ágætis aukapeninga fyrir þetta en að vísu er alveg ljóst að ég mun þurfa að vinna fyrir hverri krónu. Við erum samt búin að ákveða að láta ganga frá planinu í haust og helluleggja það en einnig ætlum við að laga baðherbergið. Svo verður hægt að eyða án samviskubits þegar við förum til Tenerífe í sumar. Boy oh boy mikið hlakka ég til þess .....

Afmælisveisla Ölmu Karenar

Prinessan varð 6 ára í gær og það var haldið upp á það með pompi og prakt. Þegar mest var voru 13 krakkar og eitthvað af foreldrum svo það var eins gott að við mæðgur vorum  búnar að baka helling af góðgæti. Alma var komin í senjorítukjólinn sem afi keypti á Tenerífe snemma um morguninn og setti svo bara upp svuntu þegar hún var að hjálpa mömmu í eldhúsinu. Krakkarnir skemmtu sér hið besta og það kom sér vel að  hafa stórt hús í gær. Ekki verra að Alma á eiginlega tvö herbergi því leikloftið er eins og sér herbergi. Þar er allt dúkkudótið, barbídúkkurnar og hægt að elda og leggja á borð og svoleiðis. Þar voru stelpurnar því mikið í mömmó. Svo er nú ekki verra að hafa rennibraut inni og margir notuðu hana. Við höfðum einnig kveikt á dvd í okkar herbergi og þar var vinsælt að setjast smá stund og horfa. Um kvöldið fékk Alma svo að vaka lengi og sofa alla nóttina í mömmu og pabba rúmi enda var þetta nú afmælisdagurinn hennar og allt gert til að dekra hana sem mest. Hún fékk fullt af gjöfum og var mjög ánægð með þær. Við ákváðum að gefa henni pening sem hún ætlar að fara með í Toy´s r us þegar við komum suður til að fara í 25 ára fermingarafmælið í Keflavík. Þá verður farið í stóru dótabúðina (eins og hún kallar hana) og þá á að versla. Hún fékk í aukabónusgjöf að Guðrún stóra systir kom heim um helgina og það er búið að vera mikið knús hjá þeim.

 

Flensuleiðindi

Ég hefði átt að hafa hærra um það um daginn að ég hefði aldrei fengið alvöru flensu sem leggði fólk í bælið í viku tíma eða svo því það leið ekki vika og þá var ég komin með eitt svoleiðis . Ég er auk þess komin með bronkítis en þetta er svo sem allt á réttri leið. Hef ekki hvílt mig svona vel í mörg ár því ég hef varla orku til að fara á fætur. Ætla því að skríða aftur upp í og hafa það notalegt... æi það væri svo sem notalegra að vera frískur en þið náið þessu!

Ífuferð

Jæja þá er helgin búin og það var geggjað stuð. Það skyggði reyndar á gleðina að á miðvikudagskvöldinu veiktist Alma og ég fór með hana til læknis. Það kom í ljós að hún hafði fengið flensuna sem er víst í hámarki núna. Versta var að ég fór sjálf að finna fyrir slappleika þegar leið á daginn svo ég fór og keypti sólhatt og paratabs sem ég bruddu samviskusamlega næstu daga. Ég ákvað að fara í ferðina þó ég væri aðeins slöpp í þeirri von að það yrði ekkert meira en mér varð ekki að þeirri ósk minni. Núna erum við Alma saman heima veikar og ég veikari en hún því það er auðvitað ekki það besta fyrir heilsuna að vera á svona flækingi eins og ég gerði. Á fimmtudagskvöldinu klæddum við okkur upp sem prinsessur og veitt voru búningaverðlaun. Eftir það var Sigga Kára með leðurföndur. Hún kom með risastór lambsskinn sem hún hafði límt sjávarleður á. Við fengum allar mismunandi útfærslur. Ég fékk ólitaðan hlýra og svo fórum við að hanna töskur, skera leðrið og sauma það saman með leðuról. Þetta var hrikalega gaman og flottar töskurnar sem urðu þarna til. Á föstudeginum fengum við leiðsögn um Gása sem er fornleifasvæði rétt norðan við Akureyri. Það var mjög fróðlegt og skemmtilegt. Á eftir var borðað á tælenskum veitingastað á Akureyri og svo lá  leiðin á kynningu í Purity Herbs. Þar fengum við að skoða húsnæði, var sagt frá framleiðslunni og fengum að kaupa með afslætti. Allar keyptum við Unaðsolíu og fleira skemmtilegt!!! Næst fórum við í Hár og heilsu þar sem við dúlluðum okkur í heita pottinum og gufunni á milli þess sem við fengum andlitsmaska og axlanudd. Tvær fóru í lengra nudd og ein í klippingu og næringu. Þetta var ákaflega notalegur dagur og þar sem þetta var afmælisdagurinn minn fékk ég mér bjór með matnum í hádeginu og svo vorum við flestar að sulla í freyðivíni í pottinum. Um kvöldið pöntuðum við bara pizzu og fórum frekar snemma í háttinn þar sem allar voru svo slakar eftir allt dekrið. Á laugardeginum var byrjað á nammibar Hagkaupa og síðan haldið inn á Grenivík. Þar fengum við að skoða harðfiskverkunina Eyjabita og keyptum allar slatta. Síðan var haldið í einhverja þá geggjuðustu ferð sem ég hef farið. Við fórum með snjótroðara upp á topp á Kaldbaki sem er 1174 m yfir sjávarmáli. Það var stundum skuggalega  bratt. Þegar við komum upp á toppinn var stoppað í u.þ.b. korter en svo fengum við að fara niður á snjóþotum ef við vildum. Sumir höfðu tekið með sér bretti eða skíði og margir voru líka með Stigasleða en við "kellingarnar" sátum á einföldum snjóþotum sem maður gat rétt svo troðið sér ofaní. Mér leist nú ekki nema svona mátulega á blikuna fyrst til að byrja með því fyrsta brekkan var frekar brött en fjallið var samt þannig að maður þurfti alltaf að ganga öðru hverju að næstu brekku. Þegar ég kom að síðustu brekkunni fékk ég nett sjokk því það var líklega um 80° halli í henni. Það endaði með því að ég tók snjóþotuna og festi bandið á henni á úlnliðinn og renndi mér á rassinum. Þá rann ég á mátulegri ferð fyrir minn smekk. Þetta var alveg geggjað. Nú næst fórum við í Safnasafnið á Svalbarðseyri og svo í bústaðinn að græja okkur fyrir kvöldið. Þá var farið út að borða á La Vita El Bella og svo í leikhús á leikritið Fló á skinni. Það var virkilega skemmtilegt leikrit og ég mæli með því við alla. Þegar við komum heim í bústaðinn var sungið fram á nótt og daginn eftir haskað sér heim.

Forsetinn í heimsókn og Alma lærir að hjóla

Í gær voru forsetahjónin í heimsókn í skólanum okkar. Það var mikill spenningur hjá krökkunum fyrir heimsókninni og þau stóðu sig frábærlega í söng og dansi sem allir tóku þátt í. Sumir komu einnig með fyrirspurnir til Ólafs Ragnars en ég hafði ekki minna gaman að því þegar Guðrún Ásta, dóttir vinkonu minnar, sem er í 10. bekk spurði Dorrit að því hvar hún keypti fötin sín. Dorrit svaraði þessu mjög skemmtilega og þegar þau fóru varð hálfgert spennufall í skólanum. Talandi um annað. Alma lærði að hjóla í gær . Við fórum út á gangstétt í næstu götu sem er sléttari en okkar gata. Þar gólaði og vældi Alma í svona sirka 10 mínútur og sagðist ekki geta þetta, hún væri hrædd og svo framvegis en svo benti ég henni á að sitja bara á hjólinu og renna sér. Þegar hún hafði gert það nokkrum sinnum benti ég henni á að setja fæturnar upp á pedalana og prufa að hjóla. Viti menn.... auðvitað hjólaði hún bara af stað en varð svo hissa að hún nauðhemlaði og leit svo ægilega stolt til baka á mig. Eftir það hjólaði hún nokkrar ferðir og ætlar út að hjóla þegar hún kemur heima af leikskólanum í dag. Frábært hjá henni.

Ífuskemmtun næstu helgi

Ég er búin að eyða nokkrum tíma þessa helgi í að undirbúa Ífuvorferðina næstu helgi. Við verðum í bústað rétt norðan við Akureyri. Það er búið að plana ýmiskonar dekur, útivist, menningu, veitingahúsaferðir og leikhúsferð. Þetta verður þvílíkt húsmæðraorlof að ég get ekki beðið. Það besta er að ég á einmitt afmæli næsta föstudag svo ég get notið afmælisdagsins í góðra vina hópi að gera eitthvað skemmtilegt. Eini gallinn við það er að Siggi er ekkert of kátur með að hitta mig ekki á afmælisdaginn en það kemur á móti að ég ákvað að fljúga suður á sunnudagsmorgninum til að koma og hitta fjölskylduna í fermingu í Hveragerði. Við erum hvort eð er á leiðinni heim á sunnudeginum og ég hefði þá bara hangið ein heima þar til seint um kvöldið og borað í nefið. Mér datt í hug um helgina að það væri miklu sniðugra að fljúga suður frá Akureyri, mæta í ferminguna og koma svo með Sigga, Ölmu og Maríönnu heim á sunnudagskvöldinu. Fyrir þá sem ekki vita þá er Marianna skiptinemi frá Þýskalandi. Hún verður 18 ára í sumar. Á reyndar sama afmælisdag og Manni vinur minn. Við höfum haft skiptinema áður. Það var fyrir tveimur árum. Sú stúlka heitir Waleska og er frá Venesúela. Hún býr í dag á Íslandi og stundar nám í tölvunarfræði frá Háskóla Íslands. Næsta vetur erum við að spá í að taka aftur skiptinema. Þegar ég var yngri langaði mig alltaf að fara sem skiptinemi en foreldrar mínir höfðu ekki efni á þvi. Ég ákvað þá að þegar ég hefði tök á því myndi ég taka skiptinema inn á heimilið. Fyrir þá sem ekki hafa prófað mæli ég með því.

Launapirringur

Ég er ennþá pirruð síðan í gær þegar ég las það í Fréttablaðinu að kennarar eru með lægstu launin innan BHMR. Ég hafði svo sem  heyrt það en eins og litlu börnin sem reyna að gleyma óþægilegum staðreyndum þá hafði ég reynt að hugsa um eitthvað annað. Svona fréttir valda því að kennarastofan logar af umræðum og allir verða voða æstir og eiga svakalega bágt og mann langar mest til að pakka niður draslinu sínu og fara bara að svara á síma hjá einhverju einkafyrirtæki og fá meira borgað fyrir það!!!!  Það er nú hægt að pirrast þegar krakkakvikindi nýkomin úr grunnskóla eru jafnvel að fá hærri laun en maður sjálfur!!! Hvað er símanúmerið í Bónus....???? Best að hringja og fá vinnu á kassa... það eru sennilega hærri laun... ja well, kannski ekki þar en samt................. urrrrrrrr ... Helgin bætir örugglega skapið og ég vona að þið eigið góðar stundir elskurnar. Bið að heilsa ykkur öllum.