Þetta fólk......!!!!

Alveg getur það drepið mig að hlusta á fólk tjá sig í fjölmiðlum um innflytjendur þegar það kallar það ÞETTA FÓLK!!!!! Algengasti frasinn er... já ég hef sko ekkert á móti ÞESSU FÓLKI... og svo hugsar það eða jafnvel segir... bara ef það er einhvers staðar annars staðar en nálægt mér.  Ég veit að sumir sem nota þetta orðalag eru raunverulega ekki á móti innflytjendum en mikið yrði ég glöð ef fólk vandaði mál sitt betur og notaði jákvæðara orðalag. Ég leyfi mér t.d. að stinga upp á orðinu innflytjandi nú eða nýbúi í staðinn fyrir ÞETTA FÓLK sem mér finnst ótrúlega neikvætt orð. Smá pirringsútrás... he he

Rithöfundur og 25 ára fermingarafmæli

 

Vá mar þá er helgin búin og daglega lífið tekið við. Það hefur margt gerst síðan ég skrifaði síðast. Svo ég byrji á byrjuninni þá fórum við Alma suður á fimmtudaginn og ég skutlaði henni til Guðrúnar stóru systur þar sem hún gisti og fór svo með henni í vinnuna í leikskólanum þar sem hún er að vinna. Ég fór í Keflavík og kíkti á Sigrúnu og Sif áður en ég fór til pabba. Á föstudeginum fór ég í Námsgagnastofnun og skrifaði undir ráðningarsamning vegna þess að ég er að fara að skrifa námsbók í landafræði fyrir 6. bekk sem á að fjalla um Norðurlöndin. Þegar ég var í Kennó bjó ég til námsefni sem lokaverkefni úr skólanum og síðan hefur mig dreymt um þetta. Ég er rosalega spennt fyrir þessu en ég veit að þetta verður mjög erfitt og mikil vinna. Það er einnig töluverð pressa þegar maður veit að allir starfsfélagar manns eiga eftir að meta bókina. Nú ég fór svo og sótti Ölmu og við fórum í Toys´r us. Við röltum á milli rekka og gáfum okkur mikinn tíma til að skoða. Þá segir litla dúllan allt í einu...... mamma ég get ekki valið, það er svo mikið af dóti hérna!!!!!! He hehe he bara sætt!!  Ég hjálpaði henni því aðeins og hún kom út með Barbíe tjald sem má nota inni og úti og matarstól fyrir Baby born dúkkuna sína. Ég keypti líka nokkrar afmælis og jólagjafir þarna...  he he Um kvöldið kíktum við aðeins til Friðriks bróðir og fjölskyldu. Sibbi kom líka og við spjölluðum saman. Alma lék við litla kettlinginn sem þau voru með en var samt pínu hrædd því klærnar á honum voru ansi beittar...!  Við gistum svo hjá Köllu og Jonna. Siggi var að vinna og Kalla líka svo við Jonni, bjór og hnetur höfðum það gott þar til þau komu. Það var gott að við fórum ekki snemma að sofa því við enduðum á að þurfa að keyra í Reykjavík að sækja Sigga og fórum ekki að sofa fyrr en rúmlega 3 um nóttina!!!! Á laugardeginum skelltum við okkur í sund í Keflavík og ég skrópaði í íþróttahúsinu á hittinginn hjá okkur fermingarkrökkunum! Well ég fékk líka að heyra það um kvöldið... he he Við Kalla mættum saman og það var alveg hrikalega gaman. Það var mikið spjallað, á trúnó og ekki, góður matur og mikið hlegið og að sjálfsögðu síðan dansað fram eftir morgni. Ég held að Óskar eigi metið í mætingu því hann kom alla leið frá Arizona í Bandaríkjunum. Mér sem fannst Þröstur koma langt að en hann kom að vestan... he he. Sumt af þessu fólki hef ég ekki séð í svo mörg ár að það er eiginlega ekki fyndið.  Siggi og Jonni mættu á svæðið um hálf eitt og klukkan var um 3 þegar við komum heim. Maður er enn með aulaglott eftir helgina. Við ykkur sem voruð þarna og lesið þetta.... kærar þakkir fyrir frábæra skemmtun. Er farin að hlakka til að mæta í 30 ára fermingarafmælið!!!!! Á sunnudaginn ætlaði ég að leggja af stað heim um hádegi en heilsan leyfði ekki brottför fyrr en seinnipartinn. Ég var svo á Akureyri í dag í skólaferðalagi með nemendum mínum og við fórum í Kjarnaskóg, keilu, kajaka og svo í sund. Ég var ansi syfjuð og þreytt eftir helgina en þetta bjargaðist allt. Við fengum meira að segja ágætt veður. Þá er bara að takast á við þvottinn.. he he og sofa eftir helgina

Frábær hugmynd

Langt síðan ég hef séð jafn jákvæða frétt frá samfélagi Litháa á Íslandi. Frábær hugmynd og ég óska þeim alls hins besta.

Litháar á Íslandi stofna félag

Bráðum... bráðum!

Þetta er alveg að koma, ég er að verða ansi spennt að leggja af stað. Alltaf gaman að fara suður og hitta vini og ættingja. Sjáumst bráðum elskurnar!!!

Njótum blíðunnar þegar hún gefst

Í dag var snilldarveður. Upp úr eitt var hitinn kominn í 14 gráður og sólin skein svo ég ákvað að taka vinnuna með heim og klára hana í kvöld en nota frekar blíðuna úti. Ég fór og sótti Ölmu í leikskólann og við fórum í Varmahlíð, fengum okkur ís, röltum um skógræktina og skoðuðum náttúruna og skelltum okkur svo í sund í einni bestu laug landsins. Þetta var verulega næs. Eftir sundið vorum við svo svangar að við fórum og fengum okkur pylsu og slökuðum aðeins á. Stelpuskottið var svo þreytt að hún var sofnuð korteri yfir 8 . Á morgun förum við af stað suður og hún gistir hjá Guðrúnu stóru systir og fer með henni í vinnuna á leikskólann á meðan ég hef öðrum hnöppum að hneppa. Þegar ég sæki hana förum við í búðir og skemmtum okkur við að eyða peningum. Um kvöldið gistum við svo hjá Köllu og Jonna en meira um það síðar.

Hvítasunnuhelgin

Mikið er það dásamlegt að vera búin með tvo helgardaga og eiga samt einn eftir...... . Foreldrar Mariönnu komu hingað í gærkvöldi og ég var bara nokkuð ánægð með að geta aðeins sprechað deutch... he he he. Það eru að vísu komin 9 ár síðan síðast svo það vantar stundum orð inn á milli og stundum fæ ég Mariönnu til að þýða ef það er eitthvað flóknara sem ég þarf að segja en miðað við aldur og fyrri störf gengur mér bara vel. Við ætlum með þau á hestbak á eftir og í sund í Varmahlíð. Svo verður að sjálfsögðu troðið í þau mat. Það er bráðnauðsynlegt að þau prufi bæði fisk og lamb svo í hádeginu verður steiktur fiskur og í kvöldmat lambalæri. Þau eiga eftir að vella héðan út. Á þriðjudagsmorgun fara þau af stað hringinn og fljúga svo heim næstu helgi. Þetta verður örugglega gaman hjá þeim þó þau séu dálítið snemma á ferðinni. Ölmu semur vel við bróðir hennar sem er 9 ára. Þau leika sér saman og babla bara eitthvað. Mesta furða hvað þau skilja hvort annað.  Við fórum í sveitina á laugardaginn og í gær þurfti auðvitað að baka og taka til en einnig fórum við út að leika við Ölmu. Jæja ætli það sé ekki best að koma sér í föt og koma sér á fætur.

Blóm í vinnuna

Í dag er síðasti formlegi kennsludagur hjá 10. bekk í skólanum hjá okkur. Eftir helgi fara þeir í viku til Danmerkur og svo taka við starfskynningar, skyndihjálparnámskeið og ýmislegt þannig. Síðasta kennsludag er hefð fyrir því að taka á móti starfsmönnum með söng og blómum og er það ákaflega notalegt að mæta fullt af brosandi andlitum á þennan hátt. Það er heldur ekki verra að þegar inn er komið býður manns morgunverðarhlaðborð sem nemendur hafa útbúið og svo fara þeir í 2-3 manna hópum og kenna hinum nemendum skólans í fyrstu 2 kennslustundirnar. Alveg brilliant!!!! Best að fara aðra umferð og gúffa í sig gúmolaðinu!!!

Flott hjá Begga og Pecasi

Svo hommarnir unnu á hæðinni. Ég var að lesa það að ef þeir ynnu ætluðu þeir að fá dætur Pecasar í heimsókn til Íslands. Frábær hugmynd og ég vil bara óska þeim til hamingju. Flott íbúð hjá þeim og litskrúðugir, athyglisverðir persónuleikar sem gaman var að fylgjast með. Ég óska þeim alls hins besta í framtíðinni.

Léttgeggjaður..... eða ekki!

Nei, eiginlega er ég eiginlega á því að hann sé verulega mikið geggjaður. Æi já ég vissi að þetta væri rangt en samt hélt ég því áfram... Komm on af hverju í ósköpunum gerði hann þetta í upphafi!!!! Mann hefur nú kannski einhverntímann langað til að loka inni óstýrilátan ungling en að framkvæma það og misþyrma síðan í ofanálag til fjölda ára er svo allt annar handleggur. Maðurinn er skrýmsli og á ekkert gott skilið.

Fritzl: „Vissi að þetta var rangt af mér“

Vá mar... meira húsmæðraorlof!!!!

Sauðburður er skemmtilegt fyrirbæri. Vegna hans fæ ég tveggja sólarhringa húsmæðraorlof frá og með kl. 15 í dag..... . Alma og Marianna ætla með póstbílnum seinnipartinn í sveitina til afa og ömmu að fylgjast með lömbunum fæðast. Við Alma sáum eitt fæðast síðasta sunnudag en Alma vildi endilega fá að fara með Mariönnu í sveitina í dag og fyrst þau voru til í að hafa hana fram á föstudag þegar amma þarf í bæinn þá var tækifærið notað. Ég er að hugsa um að nota tækifærið og fara í ræktina, slappa svo af í ljósum og bjóða mér svo í mat til vinkonu minnar sem er flutningabílsstjóraekkja eins og ég og því borðum við stundum saman á kvöldin. Það er miklu skemmtilegra að elda saman með krakkana en einar í sitthvoru horninu. Ég fer svo á morgun út í sveit eftir vinnu til að hitta konu sem setur á hunangsneglur sem eiga að fara vel með manns eigin neglur. Ég fíla mig betur með gervineglur og eftir að ég átti Ölmu hafa mínar verið glataðar. Eintómt dekur næstu daga... mmmmmm .