Bloggleti

Ég verð að viðurkenna að eftir að ég fór að leika mér á facebook í haust hef ég bloggað aðeins minna enda miklir tímaþjófar á ferð. Það er búið að vera mikið að gera hjá mér undanfarið við að skrifa í bókinni og svo að undirbúa ferð á Reyki með nemendur í 7. bekk. Við leggjum af stað næsta mánudag og komum heim á föstudeginum. Ég mun því líklega ekki blogga mikið á meðan enda næg dagskrá frá morgni til kvölds. Það verður verra að hafa ekki litlu snúlluna mína til að knúsa á hverju kvöldi en hún verður bara knúsuð í klessu þegar ég kem heim aftur. Líklega verður hún nokkra daga í sveitinni hjá afa og ömmu á meðan og hjálpar afa í húsunum. Gelgjurnar verða að ganga nokkuð sjálfala á meðan en Siggi verður að vísu með annan fótinn heima og getur fjarstýrt þeim. Meira seinna.

Athugasemdir

[Erna Friðriksdóttir, 15.1.2009 kl. 18:56]

Ertu að fara á Reykjaskóla ??   Systurdóttir mín býr þar og hennar maður er að vinna þar í eldhúsinu :)       Þetta eru víst stórskemmtilegir dagar sem að krakkarnir hafa þarna..... Minn gutti var þar í fyrra   og fanst það svona ágætt he he he hehe  he he. Þekki samt umsjónaraðilana sem eru frábær í öllu sem að ég hef amk kynnst

[Þorgerður Eva Þórhallsdóttir, 17.1.2009 kl. 09:00]

Ég á nú eftir að sakna þín hér á blogginu Þínu og Mínu. Vona að þú eigir nú skemmtilega viku á Reykjarskóla veit að þú hefur hlakkað mikið til...he,he. Er sem sagt á Álftanesinu og bið eftir því að birtan fari nú að láta sjá sig til að ég geti notið útsýnið yfir hafið  er að drepast úr kvefi, með stíflað nef. En hafðu það sem allra best þangað til að ég heyri í þér.

kveðja!

Þorgerður