Hnífsdalsferðin mikla....

Mér líður eins og eftir Verslunarmannahelgarnar þegar ég var gelgja!!!!!! Mikil keyrsla, lítið sofið, ölið sopið, dansinn dunar og líkaminn þreyttur eftir allt saman...... Ég er líklega að verða of gömul fyrir svona vitleysu en mikið helv... var gaman

Ég var á kennaraþingi á Hvammstanga á föstudeginum og fór á barinn á meðan ég beið eftir Sigga og stelpunum. Þar hitti ég nágranna minn úr bænum sem er flutt norður og farin að kenna á Skagaströnd. Við gátum spjallað heilmikið og var virkilega gaman að hitta hana eftir allan þennan tíma. Siggi kom svo um kvöldmatinn og við fórum og borðuðum í Staðarskála. Þaðan var haldið um átta leytið og komið á Hnífsdal um miðnætti. Það þýðir það að Siggi keyrði eins og brjálaður "mother fokker"!!!!! VÆGAST SAGT!!!! Það var brjálað rok (stormviðvörun á svæðinu enda sást varla bíll nema okkar...) grenjandi rigning, myrkur og slatti af malarvegum. Hann keyrði á 100 á malbikinu en fór niður í 90 á mölinni. Þetta hefði kannski verið í lagi í birtu en í þessum akstursskilyrðum var þetta náttúrlega bara fáránlegt. Ég sat stjörf og samankreppt í framsætinu og langaði mest til að drekka mig fulla svo ég yrði nógu kærulaus yfir þessu en það var eiginlega ekki gáfulegt þar sem það er ekkert klósett frá Hólmavík á Ísafjörð. Þegar maður er búinn að fá sér bjór þarf maður að pissa oftar og ég sá fram á að þurfa að stinga berum botninum út í næsta kjarr og vökva hann þar í rigningunni ef ég fengi mér einn kaldan. Það var því ekki annað að gera en blaðra nógu mikið til að reyna að hugsa um eitthvað annað. Nú nú þegar á staðinn kom henti ég Ölmu í háttinn enda komið miðnætti og svo opnuðum við Dóra rauðvínsflösku og kjöftuðum fram eftir nóttu. Á laugardeginum var kjaftað, slappað af, farið í seightseeing á Bolungavík og Ísafjörð, eldaður góður matur og um kvöldið fórum við á Edinborg sem er skemmtistaður á Ísafirði. Þegar við komum þangað var mikið af fólki á milli 50 - 60 svo okkur leyst ekki alveg á blikuna en það voru að klárast einhverjir leiðinlegir tónleikar og "gamla" fólkið dreif sig heim í háttinn en það unga fór að mæta á svæðið. Við Dóra dönsuðum eins og við mögulega gátum og fengum t.d. algert flipp þegar gaurinn spilaði eitt af uppáhalds danslögunum okkar. Það er lagið Allt fyrir ástina með Páli Óskari. Við flippuðum alveg!!!! Siggi hitti nokkra gamla vinnufélaga og sat og spjallaði auk þess að passa töskurnar okkar Dóru. Á sunnudeginum ákváðum við að leggja af stað um hádegi til að hafa nógan tíma á bakaleiðinni. Við stoppuðum á nokkrum stöðum til að njóta náttúrufegurðarinnar og þegar við komum til Hólmavíkur ákváðum við að skella okkur á Galdrasafnið. Það var alveg frábært. Alma hafði sérstaklega gaman af ósýnilega stráknum, nábrókunum og uppvakningnum sem kom upp úr gólfinu. Hún skemmti sér mjög vel en þegar við erum að ganga út og ég þakka manninum fyrir okkur segir hún: takk fyrir, þetta var ógeðslegt!!!!!! he he he he he Við hlógum bæði mikið, ég og safnvörðurinn....

Þegar við komum heim horfðum við á Dagvaktina, átum pizzu og reyndum svo að koma Ölmu niður. Það gekk illa því hún var alltaf að hugsa um drauga og gat ekki sofnað. Að lokum náði ég í dýnu og hún svaf á gólfinu inni hjá okkur!!!! he he he greyið litla.

Athugasemdir

[Þorgerður Eva Þórhallsdóttir, 22.9.2008 kl. 13:32]

Farin að hlakka til að heyra söguna/sögurnar. Heyrði í þér sem allra fyrst. Kveðja Þorgerður

[Erna Friðriksdóttir, 22.9.2008 kl. 14:36]

Assgoti að hafa ekki vitað af þér á barnum á Hvammstanga    ég hefði getað kíkt á þig ........    Ég hefði nú skellt í mig einum köldum á leiðinni svei mér þá, þetta er svo ömurlega leiðinleg leið að keyra he he  en gott að þú hafðir góða helgi

[Jac Norðquist, 23.9.2008 kl. 05:10]

Góð færsla vina. Ég hef aldrei heyrt neinn kallaðan mother fokka eftir að hafa keyrt "bara" á hundrað !!! Hahahahahaha æ aumingja Siggi, viltu senda honum mínar innilegustu baráttukveðjur og segja honum að Guð launi honum í himnaríki fyrir að hafa gengið gegnum "Hreinsunareldinn" á jörðu niðri !! Hahahahha

Kærar kveðjur kæra vina

Jac